Skráning á þemaþing Norðurlandaráðs í Ósló er hafin
„Ég sé að sumir hafa vakið máls á því að Norðurlöndin taki höndum saman í eftirliti með ytri landamærum okkar og um það verður eflaust deilt þegar norrænir stjórnmálamenn koma saman í apríl,“ segir Henrik Dam Kristensen, forseti Norðurlandaráðs.
Nánari upplýsingar:
Umræðan og blaðamannafundurinn
Þemaþing Norðurlandaráðs hefst á norska Stórþinginu þriðjudaginn 19. apríl kl. 13 með umræðu um landamæraeftirlit. Hægt verður að fylgjast með umræðunni í þingsalnum á skandinavísku, finnsku og íslensku frá kl. 13 til 16 að skandinavískum tíma. Einnig verður hægt að fylgjast með þemaþinginu í beinni útsendingu á norden.org.
Forseti Norðurlandaráðs og forsætisnefndarmenn halda blaðamannafund fyrir utan Stórþingssalinn strax að lokinni umræðunni um málefni líðandi stundar (um kl. 14 að norskum tíma).
Eftir það verða umræður um önnur málefni, meðal annars flugöryggi, eflingu samstarfs Sama og réttindi barna og ungmenna.
Dagskráin er stöðugt uppfærð hér:
- Dagskrá fyrir 19. apríl
Ég sé að sumir hafa vakið máls á því að Norðurlöndin taki höndum saman í eftirliti með ytri landamærum okkar og um það verður eflaust deilt þegar norrænir stjórnmálamenn hittast í Ósló
Skráning blaðamanna
Fjölmiðlamenn sem ætla að fylgjast með þinginu þurfa að skrá sig í síðasta lagi föstudaginn 15. apríl á skráningarsíðunni:
- Skráning á þemaþing Norðurlandaráðs í Ósló 2016
Sýna þarf gilt blaðamannaskírteini. Hægt er að óska eftir ferðastyrk.
Nýjustu upplýsingar um þemaþingið eru alltaf aðgengilegar á eftirfarandi slóð:
- Þemaþingið 2016