Staðreyndir um Svíþjóð

Ljósmyndari
Karlheinz Klingbeil
Í hugum margra er Svíþjóð samheiti við Pippi Langsokk, Emil í Kattholti, ABBA, Volvo, IKEA, Nóbelsverðlaunin og „fika“. Þetta langa land hefur hins vegar upp á margt annað að bjóða, meðal annars stórbrotna náttúru sem teygir sig frá liðandi sléttum Skánar í suðri til fjallalandslagsins í norðri, og þar á milli bæði djúpa skóga og vötn ásamt einstaklega fallegum skerjagarði. Svíþjóð er einnig þekkt sem lýðræðislegt, jafnréttissinnað, hátæknivætt og nýskapandi land með háskóla á alþjóðlega háu stigi.

Svíþjóð á landamæri að Noregi í vestri og Finnlandi í Norðlaustri. Strandlengja Svíþjóðar liggur að Danmörku, Noregi, Álandseyjum og Finnlandi.

Stjórnmál í Svíþjóð

Í Svíþjóð er þingbundin konungsstjórn. Karl Gústaf XVI konungur hefur ekkert raunveruleg pólitískt vald og er þingið, Riksdagen, æðsta vald landsins.

Svíþjóð er aðili að ESB en hefur haldið sænsku krónunni sem gjaldmiðli. Landið á aðild að NATO.

  • Þjóðhátíðardagur: 6. júní (nationaldagen)
  • Stjórnarfar: Þingbundið konungsríki
  • Þing: Riksdagen (349 fulltrúar)
  • Aðild að ESB: Frá 1. janúar 1995
  • Aðild að NATO: Frá 7. mars 2024
  • Þjóðhöfðingi: Karl Gústaf XVI konungur
  • Forsætisráðherra (október 2022): Ulf Kristersson (Moderaterna)

Íbúar Svíþjóðar

Svíþjóð er fjölmennasta ríki Norðurlanda með 10,6 milljónir íbúa. Næstum því 2,5 milljónir manna búa í Stokkhólmi og nágrenni. Norðurhluti landsins er strjálbýll.

  • Íbúafjöldi 2025: 10,587,710 íbúa
  • Íbúafjöldi í höfuðborginni 2025: 2,473,307 í Stokkhólmi (á höfuðborgarsvæðinu Stor-Stockholm) 1)

Íbúaþróun í Svíþjóð

Efnahagsmál í Svíþjóð

Mikill útflutningur er á vörum og þjónustu frá Svíþjóð. Helstu útflutningsvörur eru raftæki, vélar, bílar, pappír, járn og stál.

  • Þjóðarframleiðsla á íbúa: 38.200 evrur (2020)
  • Gjaldmiðill: Sænsk króna (SEK)
Tölfræði um atvinnumál á Norðurlöndum

Landafræði Svíþjóðar

Sögulega skiptist Svíþjóð í þrjá landshluta, Svealand, Götaland og Norrland.

Stöðuvötn og fallvötn þekja nær 10% landrýmis í Svíþjóð. Í landinu eru einnig gífurlegir barrskógar, en þar eru þó einnig 27 þúsund ferkílómetrar ræktanlegs lands.

  • Heildarflatarmál: 447.435 km² 2)
  • Stöðuvötn og fallvötn: 40.124 km²
  • Ræktað land og garðar: 25.970 km²
  • Skóglendi og skógræktarsvæði: 280.640 km²
  • Stærsta stöðuvatn: Vänern 5.648 km²
  • Hæsti tindur: Kebnekaise 2.106 m
  • Strandlengja meginlandsins: 11.530 km
  • Landamæri: 2.205 km (landamæri að Finnlandi: 586 km, Noregi: 1.619 km)
  • Snæhetta og jöklar: 283 km²

Loftslag og umhverfi í Svíþjóð

Loftslag Svíþjóðar endurspeglar legu landsins. Loftslag er temprað í stórum hlutum landsins en í nyrsta fjalllendinu er kaldtemprað loftslag.

  • Meðalhiti í Stokkhólmi (2024): 8,9 °C (hæsti hiti 30,3 °C, lægsti hiti -14,4 °C)

Meðalhiti í Stokkhólmi

Um vinnu að umhverfis- og loftslagsmálum

Tungumál í Svíþjóð

  • Opinbert tungumál: Sænska (aðaltungumál)
  • Opinber minnihlutatungumál: Finnska, meänkieli, samíska, rómaní og jiddíska
Um norrænu tungumálin
Um norrænt tungumálasamstarf

Langar þig að flytja til Svíþjóðar?

Ef þig langar að flytja til Svíþjóðar má alltaf hafa samband við Info Norden sem er upplýsingaþjónusta Norrænu ráðherranefndarinnar.

Hvað þarf að hafa í huga þegar flutt er til Svíþjóðar?
Upplýsingaþjónustan Info Norden

Langar þig að vita meira um Svíþjóð eða önnur norræn ríki?

Skýrslan  State of the Nordic region   er gefin út annað hvert ár og veitir yfirgripsmikla og einstaka innsýn undir yfirborðið í norrænu ríkjunum. Í skýrslunni er unnið úr nýjustu tölfræði um lýðfræðuþróun, vinnumarkaðsþróun, menntun og hagkerfi Norðurlanda.

State of the Nordic Region 2026
Staðreyndir um Norðurlönd
Opinbert vefsvæði Svíþjóðar

Langar þig að sjá meiri tölfræði?

Við höfum tekið saman mikið magn norrænna talnagagna sem máli skipta í gagnagrunninum  Nordic Statistics database. Þar má má verða margs vísari um tölfræði ýmissa málaflokka á Norðurlöndum.

Nordic Statistics database

Skýringar:

1)  Stokkhólmur, Upplands Väsby, Vallentuna, Österåker, Värmdö, Järfälla, Ekerö, Huddinge, Botkyrka, Salem, Haninge, Tyresö, Upplands-Bro, Nykvarn, Täby, Danderyd, Sollentuna, Södertälje, Nacka, Sundbyberg, Solna, Lidingö, Vaxholm, Norrtälje, Sigtuna og Nynäshamn.

2)  Að meðtöldum stærstu stöðuvötnum, en að frátöldu svæðinu frá strandlengjunni að landhelgislínunni, 81.502 km².

Tengt efni