Sjálfbær þróun - Ný stefna fyrir Norðurlönd

Norræna áætlunin „Sjálfbær þróun – ný stefna fyrir Norðurlönd“ fjallar um langtímamarkmið þróunar á Norðurlöndum fram til árins 2020. Greint er frá markmiðum og fyrirhuguðum aðgerðum á tímabilinu 2009–2012. Grunnreglan um sjálfbæra þróun felur í sér samþættingu umhverfissjónarmiða og sjálfbærrar þróunar í stefnu samstarfsins og víðar. Í áætluninni er einnig fjallað um félagslega velferð og efnahagslega þætti sjálfbærrar þróunar. Í fjórum köflum er greint frá markmiðum og aðgerðum varðandi loftslagsmál og endurnýjanlega orku, sjálfbæra neyslu og framleiðslu, norrænu velferðarríkin sem tæki til sjálfbærrar þróunar, menntun og rannsóknum, þátttöku almennings og staðbundnum áætlunum um sjálfbæra þróun.