Asimi nunamik malussarniarsinnaaneq

Nunani avannarlerni nuna ukiuni tusindtilikkaani uumasuutit neriniarfigisarsimavaat. Nunami neriniarfimmi naasoqassuseq neriniarfiuneratigut sunnerneqartarpoq naasut mamarnerit inuussutissaqarnerillu uumasut neriumanerusarmatigit. Taamaasilluni naasoqassuseq allanngoriartulersarpoq naasut inuussutissaqanngin-nerusut amerlanerulersinnaallutik. Nunap neriniarfiusup nammineq tunniussinnaasai sinnerlugit neriniarfigineqarpat tamanna imaannaanngitsumik kinguneqarsinnaavoq. Naasut inuussutissaqarpianngitsut nerineqarsinnaanngitsullu amerlanerulersinnaapput tunniussinnaasaat annikinnerulerluni. Malitsigisaanik issup neriorneqarsinnaanera ilimanarnerulersarpoq taamalu issoq naaffigineqarsinnaasoq qaqugorsuarmut annaaneqarsinnaalluni. Nunani avannarlerni sumiiffinni arlalinni issup neriorneqarnera anneruartortutut isikkoqarpoq. Taama iliartornera qanoq iliuuseqarnikkut ilorraap tungaanut saatinneqarsinnaavoq. Nunap neriniarfiusup ivigartorfiuneratigut pinngortitap nammineq takutittagai assigiinngitsut nalunaarusiami uani sammineqarput. Nalunaarusiakkut innersuussutigineqarpoq nunami neriniarfimmi qanoq ivigartortoqatiginera pillugu malussarniarneq qanoq isilluni pisinnaasoq. Ersiutaasut paasinissaannut pikkorinnerulernikkut asimi pisuussutinik atuinerput pitsaanerusumik aqussinnaalissavarput taamaasilluni kinguaassat tamakkuninnga aamma nuannaarutiginnissinnaaqqullugit.