Ungt fólk – framtíðin á vinnumarkaði

Atvinnumál ungmenna verða rædd er Nordjobb, í samvinnu við Norræna félagið og Norræna húsið, efnir til málþings á Fundi fólksins þann 3. september kl. 13.15–14.45 í Grósku. Fjölbreyttur hópur aðila vinnumarkaðarins koma saman og fjalla um atvinnumál ungmenna, námsmanna og hinn samnorræna vinnumarkað. Viðburðurinn verður einnig í beinu streymi á Facebook.

• Ásmundur Einar Daðason félagsmálaráðherra setur fundinn
• Morten Fabricius Meyer, verkefnisstjóri Nordisk Jobløsning hjá FNF
• Sigmar Vilhjálmsson, athafnamaður 
• Jónína Ólafsdóttir Kárdal, formaður Félags náms- og starfsráðgjafa
• Gundega Jaunlinina, Alþýðusamband Íslands
• Derek T. Allen, forseti Landssamtaka íslenskra stúdenta
• Árni Grétar Finnsson, Samtökum atvinnulífsins
• Hannes Björn Hafsteinsson, Nordjobb Íslandi

Á málþinginu verður m.a. fjallað um Nordjobb. Nordjobb er norrænt vinnumarkaðsverkefni sem starfrækt hefur verið frá 1985. Tilgangur Nordjobb er að auka hreyfanleika á norræna vinnumarkaðinum með því að miðla störfum, upplýsingum, þekkingu og fræðslu til ungmenna á aldrinum 18-30 ára.

Viðburðurinn er hluti af dagskrá Fundar fólksins sem fer fram 3. og 4. september.