Hver vinnur verðlaun Norðurlandaráðs 2024?
Þann 22. október verður hægt að fylgjast með afhendingu verðlauna Norðurlandaráðs bæði hér á norden.org og norrænum sjónvarpsrásum.
Öll þau sem eru tilnefnd verða kynnt í sérstökum sjónvarpsþætti þar sem hulunni verður jafnframt svipt af vinningshöfum ársins á sviði bókmennta, tónlistar, kvikmynda, barna- og unglingabókmennta og umhverfismála, þar sem þema ársins er sjálfbær byggingarstarfsemi. Þátturinn er framleiddur af RÚV.
Kynnir verður tónlistarmaðurinn og þáttastjórnandinn Unnsteinn Manuel Stefánsson (Retro Stefsson) og mun hann skyggnast inn í líf og störf vinningshafanna. Við fáum að kynnast því nýjasta úr heimi tónlistar, kvikmynda, bókmennta og arkitektúrs í norrænu löndunum.
Þetta verður gott kvöld þar sem norræn menning verður í fyrirrúmi. Þessu viltu ekki missa af!
Bein útsending þriðjudaginn 22. október 2024
19.40 að íslenskum tíma – 21.40 að dönskum/sænskum/norskum tíma (CET) – 22.40 að finnskum tíma.
Einnig geturðu horft á útsendinguna á norden.org þegar þér hentar dagana eftir hana.
Ertu blaðamaður og viltu fjalla um verðlaun Norðurlandaráðs?
Verðlaunahafar verða tilkynntir 22. október. Útsendingunni verður streymt á Norden.org og upplýsingar verða sendar fjölmiðlum í kjölfarið.
Verðlaunahafarnir fá verðlaunagripina afhenta í móttöku á þingi Norðurlandaráðs á Íslandi 28.–31. október sem verður lokuð fjölmiðlum. Hægt verður að nálgast myndir í myndabanka okkar sama kvöld.
Hafið samband við Söru Kolka í netfangið sarkol@norden.org eða síma +45 31 22 80 83 ef spurningar vakna.
