Norræn framkvæmdaáætlun í umhverfismálum 2013–2018

Á síðustu 40 árum hafa Norðurlönd náð verulegum árangri í samstarfi um umhverfismál. Tekist hefur að vefa hagvöxt og þróun velferðar saman við metnaðarfulla umhverfisstefnu og stuðla þannig að bættu umhverfi á Norðurlöndum og víðar um heim. Sjálfbær neysla og framleiðsla, umhverfisvæn tækni og grænn hagvöxtur í samstarfi við önnur svið, þar á meðal atvinnulíf og alþjóðastofnanir, munu verða mikilvæg viðfangsefni í norrænu samstarfi á komandi árum. Einnig verður lögð áhersla á að fylgja eftir ráðstefnu SÞ um sjálfbæra þróun, Ríó+20.