Lýðræðishátíðin Folkemødet 2024
![alt=""](/sites/default/files/styles/content_size_800/public/2023-05/Folkem%C3%B8det%202023%20hero_Pelle%20Nybirk%20Souschef%20-%20Kommunikation%20%26%20produktion_drone_makesense.jpg?h=e4f51868&itok=WcMKERrD)
Upplýsingar
Folkemødet
Allinge, Bornholm
Danmörk
Umræður okkar á Folkemødet 2024
Hér má lesa nánar um viðburði á okkar vegum, þemu og þátttakendur í pallborðsumræðum.
Flestir viðburðirnir verða haldnir í norræna tjaldinu á svæði B, stæði B12.
Fimmtudagur 13. júní
Norrænar næringarráðleggingar (NNR) eru gerðar með hliðsjón af hollustu og loftslagsmálum og eru til grundvallar dönskum ráðleggingum um mataræði. Takið þátt í cook-along með Thomas David Parry frá Alchemist Restaurant, Karen Ellemann frá Norrænu ráðherranefndinni og Andreas Hansen frá UN World Food Programme.
Skipuleggjendur: Norræna ráðherranefndin, UN World Food Programme
Staður: C40 – Matarsvið heimsmarkmiðanna
Ef við eigum að ná því að verða kolefnishlutlaust samfélag árið 2045 þarf að hraða umskiptunum. En hvernig lifum við í kolefnishlutlausu samfélagi? Og af hverju eigum við að hlaupa ef við sjáum ekki í mark? Reynt verður að varpa ljósi á lífið í nettó-núll-losun.
Staður: Norræna tjaldið / B12
Norðurlönd hafa í gegnum samstarf og nýsköpun verið leiðandi afl í því að stuðla að sjálfbærum matvælakerfum. Norrænar næringarráðleggingar eru gott dæmi um þetta. Karen Ellemann opnar viðburðinn með tveggja rétta máltíð sem hún setti saman út frá þeim og gestum býðst að gæða sér á á meðan við veltum fyrir okkur hugmyndinni á bak við næringarráðleggingarnar og Ný norræna matvæli sem fagna 20 árum í ár.
Skipuleggjendur: UN World Food Programme, Norræna ráðherranefndin
Staður: C38 – Tjald heimsmarkmiðanna
Með sína 27 milljónir íbúa samtals eru Norðurlönd fimmta stærsta hagkerfi Evrópu. Ekki þarf að velkjast í vafa um að umhverfisáhrif svo stórs hagkerfis séu töluverð. En hvernig eru danskir og norrænir neytendur þegar kemur að grænum umskiptum?
Skipuleggjendur: Miljømærkning Danmark, Norræna ráðherranefndin
Staður: Norræna tjaldið / B12
Allt í einu er orðið „prepper“ orðið þekkt. Maður á að undirbúa sig. Undir hvað? Svar sænskra yfirvalda er „það versta“ og hvetja þau almenning til að búa sig undir stríð og krísur. Á öllum heimilum eiga að vera til neyðarrafhlöður, matur og vatn til margra daga o.s.frv. Eigum við að gera eins í Danmörku og annars staðar á Norðurlöndum?
Nýtt tímabil virðist vera að hefjast. Getur norrænt samstarf tryggt viðnámsþol og öryggi á svæðinu? Hvaða hlutverki getum við gegnt í veröld þar sem sífellt er þrengt að norrænum og vestrænum gildum?
Staður: Aðalsviðið / C20
Gervigreind er komin til að vera, hvað sem okkur kann að þykja um það. Spurningin er hvernig við eigum að umgangast hana. Hvaða reglur eiga að gilda? Og hvernig geta norrænu löndin nýtt sér hina nýju tækni til þess að ná samkeppnisforskoti? Norðurlönd vilja vera í fararbroddi í heiminum í ábyrgri og siðferðilegri notkun gervigreindar og gagna. Litið verður nánar á einstakar tillögur og rætt hvernig Norðurlönd geta orðið leiðandi í ábyrgri notkun gervigreindar.
Skipuleggjendur: Norræna ráðherranefndin, Norræna nýsköpunarmiðstöðin
Staður: Norræna tjaldið / B12
Ferðaþjónusta gegnir mikilvægu hlutverki í norrænum hagkerfum og samfélögum. Við viljum að atvinnugreinin vaxi en á sama tíma er aukin þörf á sjálfbærum lausnum. Er gervigreind hluti af lausninni?
Skipuleggjendur: Norræna nýsköpunarmiðstöðin, Norræna ráðherranefndin
Staður: Norræna tjaldið / B12
Á hvaða sviðum standa löndin sig vel saman? Á hvaða sviðum getum við bætt okkur og lært hvert af öðru? Í þessum umræðum verður meðal annars litið nánar á samstarf á sviði löggæslu og baráttu gegn skipulagðri glæpastarfsemi í Evrópu. Einnig ræðum við hvaða máli opin landamæri á Norðurlöndum og Benelúx-löndunum skipta, til dæmis með tilliti til þess að búa, stunda nám eða vinna í nágrannalandi.
Skipuleggjendur: Sendiráð Belgíu í Danmörku, Norræna ráðherranefndin, sendiráð Hollands í Danmörku, sendiráð Lúxemborgar í Danmörku.
Staður: Norræna tjaldið / B12
Viðskiptalífið og frumbyggjar koma saman á þessum viðburði. Orkuskiptin eru hafin, bæði í Danmörku og á heimsvísu. Stine Bosse leiðir okkur í gegnum ferlið við lausn vandamála. Vaxandi þörf er á að takast á við málefni tengd mannréttindum í þessu tilliti.
Skipuleggjendur: CBS, Greenlead, Norræna ráðherranefndin, IWGIA
Staður: C38 – Tjald heimsmarkmiðanna
Föstudagur 14. júní
Ýmsar hugmyndir eru til um það hvernig sjálfbær framtíð mun líta út en leiðin þangað er óljós og vafi og togstreita geta reynst hindranir. Því hvað er rétt fyrir þig? Og hvernig skapar þú sjálfbæra framtíð? Í gegnum gagnvirkan samtalsleik, Inner Sustainability Game, munum við fá þig og vini þína til þess að skoða og leysa siðferðileg álitamál sem geta fært ykkur nær sjálfbærri framtíð.
Staður: Norræna tjaldið / B12
Norrænu löndin veðja á vetni frá endurnýjanlegum orkugjöfum í orkuskiptum í iðnaði og sjóflutningum, sem orkugeymslu og sem útflutningsvöru til evrópskra nágranna okkar. Nauðsynlegt er að þróa styrkleika og efla virðiskeðjur vetnis (Hydrogen Valleys), frá orkugjöfum, vinnsluferli og innviðum til notkunar, ef við eigum áfram að ver í forystusæti ásamt því að tryggja skjóta og árangursríka minnkun á kolefnislosun. Hvert á hlutverk Danmerkur að vera?
Skipuleggjendur: Norrænar orkurannsóknir, Norræna ráðherranefndin
Staður: Norræna tjaldið / B12
Tilefni þessa viðburðar er alvarlegt. Krísurnar bíða röðum. Í kjölfar heimsfaraldursins fylgdu stríð í heiminum, flóttamannabylgja og ýmsir loftslagstengdir atburðir. Þrátt fyrir þátttöku á alþjóðavísu í gegnum ESB, NATO og norrænt samstarf fer stór hluti vinnunnar í tengslum við öryggis- og viðbúnaðarmál fram innan landanna sjálfra. En eigum við að takast þannig á við krísur sem í eðli sínu teygja sig yfir landamæri?
Skipuleggjendur: Norræna ráðherranefndin, Norræna rannsóknaráðið (NordForsk)
Staður: Norræna tjaldið / B12
Á þessum viðburði munum við skoða hvernig aukið samstarf á milli norrænna og norður-amerískra norðurslóða getur flýtt fyrir innleiðingu nýskapandi lausna við flóknum vandamálum tengdum norðurslóðum, ýtt undir sjálfbæra þróun og umhverfisvernd, eflt rödd frumbyggja, byggt upp viðnámsþrótt og stuðlaða að stöðugleika á svæðinu.
Skipuleggjendur: Norræna ráðherranefndin, sendiráð Bandaríkjanna í Danörku, sendiráð Kanada í Danmörku
Staður: Norræna tjaldið / B12
Norræna ráðherranefndin býður til spjalls um norræna sjálfsmynd og svarar spurningum um norrænt samstarf.
Staður: Norræna tjaldið / B12
Föstudagur 15. júní
Einsemd er útbreitt vandamál í norrænu og baltnesku löndunum, ekki síst á meðal ungs fólks. Í þessum umræðum, sem eru hluti af stærri norrænni-baltneskri umræðuröð um einsemd, verður sjónum beint að einsemd ungs fólks og áhrifum tækninnar á hana. Ýtir tæknin undir möguleika ungs fólks til samveru eða skapar hún aukna fjarlægð og einsemd á meðal ungs fólks? Við munum ræða hvernig við getum og eigum að umgangast tækni í nauðsynlegum aðgerðum gegn einsemd á meðal ungs fólks.
Staður: Norræna tjaldið / B12
Innrás Rússa í Úkraínu hefur valdið gríðarlegum skaða fyrir íbúa, innviði og umhverfið. Áður en stríðið hófst hafði notkun jarðefnaeldsneytis og léleg vatnsstýring slæm umhverfisáhrif á svæðinu, á heimsvísu og í Eystrasaltinu. Við skoðum hvernig stuðningur Danmerkur við afhendingargeirann í Úkraínu er til góða fyrir loftslagið og umhverfið og hvaða þýðingu hann hefur fyrir íbúa Úkraínu og Danmerkur. Endurreisn affallsvatnsstöðvarinnar í Lviv er á meðal þeirra verkefna sem hafa áhrif á Borgundarhólmi og í Danmörku: Sé affallsvatnið ekki meðhöndlað streymir það óhreinsað út í Eystrasaltið.
Skipuleggjendur: Nefco, Norræna ráðherranefndin
Staður: Norræna tjaldið / B12
Í skýrslu Norðurlandaráðs, „Spennandi starfsmiðað nám á Norðurlöndum“ eru kynntar tillögur að norrænum lausnum á þeim skorti á fagmenntuðu vinnuafli sem norrænu löndin standa frammi fyrir. Greiningar hafa sýnt að Norðurlöndin í heild sinni gæti skort mörg hundruð þúsund faglærða starfmenn eftir 10-15 ár. Til dæmis mun í Danmörku skorta 99.000 faglærðra árið 2030. Um leið standa norrænu löndin frammi fyrir því að stór hópur ungs fólks stendur utan við bæði vinnumarkaðinn og menntakerfið. Hvernig getur norræn samvinna stuðlað að því að ryðja úr vegi starfsgreinatengdum hindrunum sem aftra fólki frá að nýta starfsréttindi í öðru norrænu ríki. Og hvernig getur norræn samvinna leitt til þess að fleira ungt fólk á Norðurlöndum velji starfsnám?
Skipuleggjendur: Norrænu félögin, Norræna ráðherranefndin
Staður: Norræna tjaldið / B12
Mikill munur er á atvinnuþátttöku og atvinnuleysi á milli norrænu landanna. Væri hægt að manna stöður í einu norrænu landi með vinnuafli frá öðru? Norðurlönd hafa haft sameiginlegan vinnumarkað í 70 ár en aðeins 1,7 prósent íbúa vinna í öðru norrænu landi en því sem þeir fæddust í og hlutfall vinnuferðalanga á Norðurlöndum er aðeins helmingur af meðaltalinu í ESB. Hvað kemur í veg fyrir að norrænu löndin geti nýtt til fulls þau tækifæri sem í sameiginlegum vinnumarkaði felast?
Skipuleggjendur: Norrænu félögin, Norræna ráðherranefndin
Staður: Norræna tjaldið / B12