Námsmannaíbúðir í Færeyjum

Ef þú kemur til Færeyja til að stunda nám og vilt leigja þér húsnæði geturðu byrjað á að snúa þér til framhaldsskólanna. Nokkrir skólar eru með nemendagarða þar sem herbergi eru leigð út til þeirra nemenda sem koma lengst að.

Nemendagarða er til dæmis að finna á vegum tækniskólanna í Þórshöfn og Klakksvík en þeir eru einnig ætlaðar nemum annarra skóla. Í nemendagörðunum eru leigð út herbergi með húsgögnum ásamt sameiginlegu eldhúsi og stofu.

Sjúkrahúsið í Þórshöfn býður upp á húsnæði í nemendagörðum og litlar íbúðir fyrir fólk í starfsnámi eða fólk sem kemur tímabundið til starfa innan heilbrigðiskerfisins.

Leiga og kaup á húsnæði í Færeyjum

Opinbera byggingarfélagið í Færeyjum, Bústaðir, á og byggir húsnæði til útleigu.

Auk Bústaða er hægt að leigja og kaupa húsnæði á einkamarkaði.

Finna má hús, frístundahús, íbúðir og byggingalóðir til sölu á heimasíðum fasteignafélaga og einnig hjá lögmönnum í einkarekstri.