Silja Dögg Gunnarsdóttir, forseti Norðurlandaráðs 2020

Silja Dögg Gunnarsdóttir er þingmaður Framsóknarflokksins og hefur setið á Alþingi frá 2013. Silja Dögg Gunnarsdóttir er fulltrúi Framsóknarflokksins en hún hefur verið varaformaður þingflokksins síðan 2016. Í Norðurlandaráði er Silja Dögg fulltrúi Flokkahóps miðjumanna.

Á Alþingi er Silja Dögg Gunnarsdóttir meðal annars í efnahags- og viðskiptanefnd og utanríkismálanefnd og hún hefur verið fulltrúi í íslensku landsdeildinni í Norðurlandaráði síðan 2016. Hún hefur verið formaður íslensku landsdeildarinnar síðan 2017.

Silja Dögg var kjörin forseti fyrir árið 2020 á þingi Norðurlandaráðs í Stokkhólmi 2019.