Hér er að finna 35.000 fræ fyrir matvæli framtíðarinnar
Visnuðu hindberin þín í þurrki í sumar eða drukknuðu kartöflurnar í skýfalli? Í hundruðum frystihólfa í Alnarp á Skáni eru fræ allra mikilvægra norrænna nytjaplantna varðveitt. Fræin eru nýtt til þess að rækta upp nýjar tegundir sem þola veðuröfgar.
Hittu: Bjarne Jørnsgård
Á heima: Í Danmörku
Starf: Doktor hjá Christian Hansen Natural Colours
Heldur upp á norrænu samstarfi: Það veitir okkur tækifæri til að þróa betri framleiðslu.
Tilvitnun: „Það er mikilvægt að þróa náttúruleg litarefni fyrir matvæli.“
Einnig á Norðurlöndum valda loftslagsbreytingar vanda í landbúnaði. Öfgaveður og meindýr geta leitt til lakari uppskeru. En þú vilt áfram eiga þess kost að borða góðan mat sem er ræktaður í nærumhverfinu! Á Norðurlöndunum hefur fjölbreytileiki tegunda verið varðveittur - í líki 35.000 frætegunda. Þau munu stuðla að því að hægt verði að rækta upp ný afbrigði sem munu standast þessar breyttu aðstæður.
Fróðleiksmolar
- NordGen, Norræna erfðaauðlindastofnunin, er samnorrænn fræbanki og þekkingarmiðstöð fyrir erfðaauðlindir.
- Breyttu loftslagi munu fylgja auknir þurrkar, rigningar og áður óþekktar tegundir meindýra. Það þýðir að við munum þurfa að þróa nýjar plöntutegundir. Fræsafnið í NordGen er forsenda þess starfs.
- NordGen hefur einnig umsjón með alþjóðlega fræbankanum á Svalbarða í Noregi, þar sem geymd eru sýni úr yfir 40 prósentum af fræsöfnum heimsins.
- Norrænu löndin hafa átt samstarf um að varðveita erfðaauðlindir í meira en 30 ár.
Vilt þú vita meira um hinn samnorræna fræbanka og þekkingarmiðstöð um erfðaauðlindir?