Jonas Struck
Rökstuðningur
Jonas Struck (f. 1972) hefur tekist það betur en flestum að halda í djúp og frumleg heilindi sem höfundur kvikmyndatónlistar í iðnaði sem einkennist af margvíslegum hagsmunum.
Með miklum afköstum sínum, kostgæfni og tónlistargáfu er hann gagntekinn af því að miðla af hvíta tjaldinu því andrúmslofti sem hann vill leggja áherslu á hverju sinni. Hann sækist eftir bestu mögulegu útkomu úr ferlinu frá hugmynd að tónlist, sem oft getur spannað mörg ár, og hefur framúrskarandi tök á einföldum laglínum sem og stórri, sinfónískri hljóðmynd.
Styrkleikar hans eru margir, meðal annars varðandi hughrif og á hinu lagræna sviði, og sömuleiðis skín handbragð hans skært í bæði raftónlist og órafmagnaðri.
Í tónlist hans við myndina Apolonia Apolonia má nánast merkja það hvernig matt kvikmyndatjaldið frelsast úr viðjum hins efnislega í píanóleik hans, dempuðum með textíl.
Struck er einnig meðlimur Swan Lee, einnar áhrifamestu dönsku rokksveitar samtímans, og hefur notið mikillar velgengni sem lagahöfundur á þeim vettvangi.