Rúni Brattaberg
![Rúni Brattaberg](/sites/default/files/styles/content_size_800/public/2019-05/F%C3%A6r%C3%B8erne_Runi%20Brattaberg_by_Eugen%20Zymner.jpg?itok=mdh40ZnF)
Rúni Brattaberg lærði upphaflega ljósmyndun en seint á þrítugsaldri varð honum ljóst að söngur gæti verið hans sanna köllun. Að loknu námi við Akademíu Síbelíusar í Helsinki og Opernstudio í Zürich var hann fastráðinn til þjóðleikhússins í Mannheim í Þýskalandi og síðar til Oper Leipzig, þar sem áhrifamikil bassarödd hans fékk að njóta sín í ýmsum stórum hlutverkum. Einnig hefur hann sungið við Bayerische Staatsoper í München, Bastilluóperuna í París, Hamburgische Staatsoper, Nationale Opera & Ballet í Amsterdam, Teatro San Carlo í Napolí, Chicago Lyric Opera og víðar.
Árið 2011 söng hann hlutverk Ochs baróns undir stjórn Sir Simon Rattle í Amsterdam. 2013 söng hann sama hlutverk við Metropolitan-óperuna í New York.
Árið 2021 mun Rúni Brattaberg syngja hlutverk Hagens í Ragnarökum eftir Richard Wagner undir stjórn Esa-Pekka Salonen í Helsinki.