Tóroddur Poulsen
Í Planker eru 33 ljóð og 33 myndir, þar sem ljóð og myndir kallast á. Þau eru samþætt og forsenda hvors annars. Myndirnar eru tréristur og í flestum þeirra er einnig texti.
Tóroddur Poulsen er fæddur í Þórshöfn árið 1957 og gaf út sitt fyrsta ljóðasafn, Botnfall, árið 1984. Síðan hefur hann gefið út fjölda ljóðasafna, nokkur prósaverk og undanfarin ár hefur hann einnig verið virkur myndlistamaður. Hann segir um ljóð sín og myndir að fyrir honum „hafi skriftin sjálf ávallt verið mynd. Og öfugt.“
Titillinn Planker vísar í framleiðslu myndanna, að þær eru ristar í tré eða planka, en færeyski titillinn Fjalir vísar einnig í sögnina fjalir, sem þýðir að fela eða hylma yfir eitthvað. Í ljóðunum afhjúpast það sem við viljum fela, fyrir öðrum og okkur sjálfum, og það sem við viljum ekki vita.
Trú og tilvist er áberandi þema og í ljóðinu „Opgave“ ásamt tilheyrandi mynd er fjallað um drauma, trú og eilíft líf:
I denne
forblæste
drøm
er jeg dødsens træt
på vej ned ad
nogle skrænter og flere
kilometer lange trapper
sammen med en præst
som hele tiden spørger mig
om det ikke er dejligt at forestille sig
at vi også har evigheden til gode
og jeg svarer opgivende igen og igen
at jeg bare vil hjem i seng
fordi jeg er fuldstændig afkræftet
og ikke vil høre noget snak om en evighed
som bare trætter mig endnu mere
Myndin er byggð upp sem turn af plönkum með fjölda orða sem aftur vísa í ljóðið. Önnur umfjöllunarefni í ljóðasafninu eru sjálfsímynd, þjóðfélagsaðstæður, listin og tungumálið.
Mörg atriði í myndunum eru hversdagslegir hlutir s.s. plöntur, skip, kirkjur, eldspýtnastokkar og reiðhjól, sem fá nýja merkingu ásamt orðunum. Flestir ljóðatitlarnir eru einnig hlutbundnir, oft stök orð, sem síðan breiða úr sér í einstökum ljóðum og myndum og verða djúpar tilvistarlegar og ljóðrænar vangaveltur.
Tóroddur Poulsen er sjónrænt ljóðskáld sem hefur tekist að tengja saman tvö listform þannig að þau verða að heild, þar sem ljóð og myndir skýra og fullkomna hvort annað.