Fundur fólksins 2023: Húsnæðisstefna í þágu allra – hvernig tryggjum við jafnari tækifæri?
![alt=""](/sites/default/files/styles/content_size_800/public/2023-09/H%C3%BAsn%C3%A6%C3%B0isstefna%20%C3%AD%20%C3%BE%C3%A1gu%20allra%20%E2%80%93%20hvernig%20tryggjum%20vi%C3%B0%20jafnari%20t%C3%A6kif%C3%A6ri_%20%281%29.jpg?itok=i2kwnx7z)
Upplýsingar
Fundur fólksins
Norræna húsið
Reykjavík
Ísland
Í takt við sífellt aðþrengdari húsnæðismarkað hefur framboð á húsnæði á viðráðanlegu verði orðið að lykiláherslu í húsnæðisstefnum Norðurlandanna. Í opinberri stefnumótun er kveðið á um að útvega eigi nýtt húsnæði í mismunandi verð- og leiguflokkum með það að markmiði að ná til breiðari hluta íbúa, auk þess sem stuðla eigi að félagslega blönduðum hverfum. En á sama tíma virðist staða milli- og lágtekjuhópa á húsnæðismarkaði fara versnandi, bæði hérlendis og hjá norrænu nágrönnum okkar. Þá er jafnvel talað um hina „aðþrengdu miðju“ á húsnæðismarkaði, þar sem millistéttin hefur nú orðið hvorki efni á húsnæðisfjárfestingum né á rétt á opinberum stuðningi.
Hér munum við heyra erindi um niðurstöður rannsóknarverkefnisins „Strategic housing,“ sem rýnir í húsnæðisstefnur á Norðurlöndunum með það að markmiði að hvetja borgir til þess að þróa yfirgripsmeiri og heildstæðari húsnæðisstefnur. Anna Granath Hansson, sérfræðingur hjá Nordregio, flytur erindið, og að því loknu mun pallborð skipað sérfræðingum, fulltrúum úr borgarasamfélaginu og fulltrúum hins opinbera setja niðurstöðurnar í íslenskt samhengi. Í umræðunum munum við ekki einungis velta fyrir okkur jöfnuð hvað viðkemur framboði, heldur einnig hvað varðar gæði þess húsnæðis sem stendur til boða.
Þátttakendur:
- Anna Granath Hansson, doktor í fasteigna- og byggingarstjórnun og sérfræðingur við Nordregio
- Guðmundur Hrafn Arngrímsson, formaður Leigjendasamtakanna
- Hildur Gunnarsdóttir, skipulagsfulltrúi Hveragerðisbæjar
Fundarstjóri:
- Anna María Bogadóttir, arkitekt, eigandi Úrbanistan og dósent við Listaháskóla Íslands.