Hús Norðurlanda er lokað, en við erum enn að störfum
![Nordens Hus i København](/sites/default/files/styles/content_size_800/public/images/Nordens%2520Hus%2520i%2520K%25C3%25B8benhavn466125.jpeg?itok=mZbaSkr5)
Ljósmyndari
norden.org
Vegna strangra aðgerða ríkisstjórnar Danmerkur í því skyni að takmarka útbreiðslu á kórónaveirunni hafa Norræna ráðherranefndin, Norðurlandaráð og Norræni menningarsjóðurinn ákveðið að loka Húsi Norðurlanda í Kaupmannahöfn.
Skrifstofunum er lokað í fjórtán daga í samræmi við tilmæli danskra heilbrigðisyfirvalda. Öllum viðburðum í Húsi Norðurlanda er sömuleiðis aflýst. Þrátt fyrir það er markmiðið að sinna daglegum störfum með því að starfsmennirnir vinni heiman frá sér. Unnt er að ná sambandi við allt starfsfólk í síma eða með tölvupósti.
Tölvukerfin bjóða almennt upp á að verkefni séu unnin í fjarvinnu en ef til vill geta orðið einhverjar tafir. Nauðsynlegir fundir fara helst fram gegnum fjarfundabúnað.