Norðurlandaráð: Afnemum „geoblocking“ á norrænu sjónvarpsefni
![Nordiska rådets utskott för kunskap och kultur](/sites/default/files/styles/content_size_800/public/images/Nordiska%2520r%25C3%25A5dets%2520utskott%2520f%25C3%25B6r%2520kunskap%2520och%2520kultur334292.jpeg?itok=fYOhOQdJ)
Ljósmyndari
Anna Jungner-Nordgren
Tillaga þess efnis að afnema „geoblocking“ á sjónvarpsefni milli norrænu landanna var rædd á fundi norrænu þekkingar- og menningarnefndarinnar þann 26. júní í Helsinki. Það nefnist „geoblocking“ þegar efnisveitur á netinu bjóða notendum upp á mismunandi kjör eftir því í hvaða landi þeir eru staðsettir.
„Norska þáttaserían SKAM hefur sýnt fram á mikilvægi þess að við getum horft á sjónvarpsefni frá hinum Norðurlöndunum og þannig lært meira um nágrannalönd okkar og öðlast aukna innsýn í menningu þeirra og tungumál. Því styðjum við tillöguna um að afnema „geoblocking“, sem við teljum til stjórnsýsluhindrana á Norðurlöndum,“ segir Jorodd Asphjell, formaður norrænu þekkingar- og menningarnefndarinnar og þingmaður á norska Stórþinginu.
Vilji til að breiða út þekkingu um norræna menningu býr einnig að baki tillögunni um nýjan norrænan söngdag, sem þingmenn Norðurlandaráðs ræddu einnig og lýstu stuðningi við á fundi sínum í Finnlandi.
Tillögurnar verða teknar til endanlegrar afgreiðslu á þingi Norðurlandaráðs í Helsinki í nóvember.