Áhersla lögð á norræna reynslumiðlun
![Integrasjonsmøte Hilton København](/sites/default/files/styles/content_size_800/public/images/Integrasjonsm%25C3%25B8te%2520Hilton%2520K%25C3%25B8benhavn823445.jpeg?itok=oPHRUd9O)
Ljósmyndari
P. Wessel
Á óformlegum fundi norrænu ráðherranna á sviði aðlögunarmála og fulltrúa ráðuneytanna í Kaupmannahöfn þann 25. nóvember var samþykkt að halda áfram samstarfi um þekkingar- og reynslumiðlun á sviði aðlögunarmála.
Ráðherrarnir lýstu ánægju sinni með það að samstarfsáætlun Norrænu ráðherranefndarinnar um aðlögun flóttafólks og innflytjenda væri komin á fullan skrið. Helstu markmið áætlunarinnar eru miðlun og dreifing reynslu og þekkingar á sviði aðlögunarmála.
Í sameiginlegri yfirlýsingu aðlögunarráðherranna segir að norrænu löndin vilji læra af reynslu hvert annars á sviði aðlögunarmála og stuðla þannig að aukinni skilvirkni og árangri ýmissa aðgerða. Einkum er þörf á fræðilegri þekkingu á áhrifum aðgerða sem miða að því að koma innflytjendum á vinnumarkað sem fyrst eftir komuna til Norðurlanda.
- Yfirlýsing aðlögunarráðherranna:
Efling norræns samstarfs um samfélagsþátttöku flóttafólks og innflytjenda