Þörf á auknu samstarfi í atvinnulífi norðurslóða
![Træhus i landskab på Island](/sites/default/files/styles/content_size_800/public/images/Tr%25C3%25A6hus%2520i%2520landskab%2520p%25C3%25A5%2520Island544790.jpeg?itok=hZZsrLQY)
Skýrslan Arctic Business Analysis sýnir að þörf er á að þróa og efla framtakssemi á norðurslóðum. Auk þess er ástæða er til að kynna viðskiptatækifæri á norðurskautssvæðinu og sýna aðdráttarafl þess sem sjálfbærs markaðar fyrir fjárfestingar og efnahagsþróun.
„Norðurslóðir bjóða upp á ýmis sóknarfæri fyrir verktaka og fyrirtæki í ýmsum geirum, þar á meðal í lífhagkerfinu og skapandi og menningarlegum atvinnugreinum. Skýrslan er grundvöllur sem norðurslóðir geta nýtt til að ná þrepi ofar í þróun atvinnulífsins,“ segir Dagfinn Høybråten, framkvæmdastjóri Norrænu ráðherranefndarinnar.
Vettvangur lysthafenda
Greiningunni er ætlað að aðstoða einstaklinga, fyrirtæki og fjárfesta sem hafa áhuga á að hasla sér völl á norðurslóðum. Þar er boðið upp á sameiginlegan vettvang fyrir ný verkefni á sviði sjálfbærrar efnahagsþróunar og hagvaxtar á norðurskautssvæðinu og stuðningur veittur verkefnum sem fyrir eru.
Skýrslan skiptist í fjögur svið: Frumkvöðlastarfsemi og nýsköpun, samstarf opinberra aðila og einkaaðila, menningarlegar og skapandi atvinnugreinar og lífhagkerfið.
Skýrslan er á ensku og unnin í samstarfi Norrænu ráðherranefndarinnar og Efnahagsráðs norðurslóða. Hún er birt í tilefni ráðstefnu sem fram fer í Tromsö 23. janúar 2018.