Víðara sjónarhorn á launamun kynjanna: Hvernig tökum við skref í átt að launajafnrétti?

Það hefur lengi verið forgangsmál á Norðurlöndum og í opinberu norrænu samstarfi að stuðla að jafnrétti kynjanna á vinnumarkaði. Nú er svo komið að norrænar konur eru meðal þeirra virkustu í heiminum á vinnumarkaði. Þrátt fyrir þetta er markmiðið um jöfn skilyrði á vinnumarkaði langt frá því að vera í höfn. Einn skýrasti mælikvarðinn er launamunur kynjanna, sem er viðvarandi þótt lengi hafi verið unnið að því að binda enda á hann. 

Víðara sjónarhorn getur hjálpað Norðurlöndum að binda enda á launamun kynjanna. Launajafnrétti, hugmyndin um sömu vinnu fyrir jafnverðmæt störf, er heildstæð nálgun á málefnið. Launajafnrétti nær ekki aðeins til tilvika þar sem karlar og konur vinna sömu eða svipuð störf, heldur einnig til aðstæðna þar sem þau vinna ólík störf sem krefjast sömu eða svipaðrar færni, ábyrgðar og fyrirhafnar. 

Á þessum viðburði verður byggt á niðurstöðum nýrrar norrænnar skýrslu um stöðu mála á Norðurlöndum og farið yfir löggjöf og stefnumótandi aðgerðir í löndunum.

Fundarstjóri: Katrín Jakobsdóttir, fyrrverandi forsætisráðherra Íslands

VIÐBURÐURINN ER Á VEGUM SAMSTARFSSTOFNUNAR NORRÆNU RÁÐHERRANEFNDARINNAR, NORRÆNU UPPLÝSINGAVEITUNNAR UM KYNJAFRÆÐI, NIKK.