Auglýsing: Norræn samstarfsáætlun um málefni norðurslóða 2018–2021
![Miljø, forskning og urfolk får støtte fra det Arktiske samarbeidsprogrammet](/sites/default/files/styles/content_size_800/public/images/Milj%25C3%25B8%252C%2520forskning%2520og%2520urfolk%2520f%25C3%25A5r%2520st%25C3%25B8tte%2520fra%2520det%2520Arktiske%2520samarbeidsprogrammet513661.jpeg?itok=oozFCHdY)
Samstarfsáætlunin um málefni norðurslóða styður sýn Norrænu ráðherranefndarinnar um nýskapandi, sýnileg og opin Norðurlönd án landamæra. Inntak hennar fellur að öðrum þverlægum áætlunum ráðherranefndarinnar, sem byggja á sterkri stöðu Norðurlanda, á sviðum þar sem starf ráðherranefndarinnar vegur þungt og skapar virðisauka hvort sem er innan Norðurlanda eða á heimsvísu.
Allt starf Norrænu ráðherranefndarinnar, þ.m.t. samstarfsáætlunin um málefni norðurslóða, á sér rætur í sögulegri lýðræðishefð og almennri þátttöku sem byggir á réttindum og lögum Norðurlandabúa.
Meginmarkmið samstarfsáætlunar Norrænu ráðherranefndarinnar um norðurskautssvæðið 2018–2021 er að koma til móts við sértækar þarfir norðurslóða og stuðla að sjálfbærri þróun á svæðinu. Þar gegnir Dagskrá 2030 mikilvægu hlutverki svo og heimsmarkmiðin sautján um sjálfbæra þróun, sem samþykkt voru á allsherjarþingi Sameinuðu þjóðanna 2015.
Tilgangur samstarfsáætlunar Norrænu ráðherranefndarinnar um norðurskautssvæðið 2018–2021 er að skapa sjálfbæra og uppbyggjandi þróun á norðurslóðum og fyrir íbúana á grundvelli fimm þátta sem allir byrja á P (á ensku): planet (plánetan), peoples (íbúarnir), prosperity (hagsæld), peace (friður) og partnerships (samstarf). Ráðherranefndin hefur ávallt lagt áherslu á þverlægt samstarf og fléttað það inn í áætlunina. Sú áhersla mun haldast.
Umsóknir ber að senda rafrænt til Nordregio fyrir 1. mars 2018.