Tilnefningar til kvikmyndaverðlauna Norðurlandaráðs 2024
![](/sites/default/files/styles/content_size_800/public/2024-08/Filmpris2024_Banner%20till%20norden.org_2.jpg?itok=WsNS1vrO)
Frá árinu 2002 hafa kvikmyndaverðlaunin verið veitt kvikmyndum í fullri lengd sem eiga rætur í norrænni menningu og hafa mikið listrænt gildi.
Hér eru tilnefningar til kvikmyndaverðlauna Norðurlandaráðs 2024:
DANMÖRK
FINNLAND
GRÆNLAND
ÍSLAND
NOREGUR
SVÍÞJÓÐ
Dómnefnd skipuð fulltrúum frá löndunum tilnefndi myndirnar sex.
Tilkynnt um verðlaunahafann 22. október
Tilkynnt verður um sigurvegara kvikmyndaverðlauna Norðurlandaráðs í sjónvarpsþætti sem Ríkissjónvarpið sendir út 22. október og sýndur verður í öllum norrænu löndunum. Handhafa verðlaunanna verður afhent styttan Norðurljós á sérstakri verðlaunahátíð í tengslum við þing Norðurlandaráðs í Reykjavík í 44. viku ársins.
Verðlaunaféð nemur 300 þúsundum danskra króna og skipta handritshöfundur, leikstjóri og framleiðandi upphæðinni á milli sín enda er kvikmyndagerð listgrein þar sem árangurinn verður til í nánu samstarfi þessara þriggja aðila.
Hér verður hægt að sjá bestu myndir Norðurlanda í haust
Í haust verða hinar sex tilnefndu myndir sýndar á eftirtöldum viðburðum víða um Norðurlönd:
- Norska kvikmyndahátíðin í Haugesund, 20.–22. ágúst (filmfestivalen.no)
- Oso Pix Film Festival, 29.–31. ágúst (oslopix.no)
- Viðburði í Kaupmannahöfn, 12.–17. september
- Helsinki International Film Festival, 19.–29. september (hiff.fi)
- Viðburði í Reykjavík, 9.–14. október
- Viðburði í Stokkhólmi, 17.–20. október
Um kvikmyndaverðlaun Norðurlandaráðs
Kvikmyndaverðlaun Norðurlandaráðs eru veitt norrænni kvikmynd með mikið listrænt gildi. Myndin þarf að hafa verið frumsýnd í kvikmyndahúsum á tímabilinu 1. janúar til 30. júní 2024 eða milli 1. júlí og 31. desember árið á undan.
Kvikmyndaverðlaun Norðurlandaráðs voru veitt í fyrsta sinn árið 2002 og eru nú veitt árlega um leið og önnur verðlaun ráðsins fyrir bókmenntir, barna- og unglingabókmenntir, tónlist og starf að umhverfismálum. Norræni kvikmynda- og sjónvarpssjóðurinn hefur umsjón með kvikmyndaverðlaunum Norðurlandaráðs.